Áherslur og markmið í 6. flokk

Lögð áhersla á að snerta boltan sem oftast, hvort sem það er á tækniæfingum eða á leikrænu formi. Byrja að kynna iðkendum fyrir nokkrum þáttum í leikfræði, hreyfingu án bolta, halda stöðu, dekka andstæðing og hreyfing í föstum leikatriðum. Halda bolta í grasinu og spila út frá marki. Lögð áhersla á góðan aga þar sem iðkendur fara eftir fyrirmælum þjálfara og eiga í góðum samskiptum sín á milli.  

Tækni

• Knattæfingar.

• Knattrak með rist, innanfótar, utanfótar, il, öðrum/báðum fótum, með stefnubreytingum, knattraki og skotu, snerta bolta í hverju skrefi.

• Sendingar – innanfótarspyrnur og ristarspyrnur.

• Knattmóttaka – innanfótar, il, utanfótar og byrja vinna með móttöku á brjósti og læri.

• Grunntækni (flóknari tækniæfingar fyrir þá sem eru lengra komnir).

• Innkast/innspark.

Leikfræði

• Markskor með ristarspyrnu og innanfótarskotum úr kyrrstöðu, eftir knattrak, í fyrstu snertingu, á lofti og eftir gabbhreyfingu.

• Leikið 1:1 / 2:1 með ýmsum afbrigðum.

• Leikæfingar, fáir í hverju liði, með og án markmanns.

• Grunnuppstilling 5 manna liðs, með markman, 2 varnarmenn og 2 sóknarmenn (iðkendur læra allar stöður).

• Föst leikatriði eins og innspörk og hornspyrnur.

• Fótavinna (hraðir fætur).

Annað

• Kynni af íþróttinni séu jákvæð.

• Öll börn fá jöfn tækifæri til þátttöku og taka þarf vel á móti öllum iðkendum.

• Árangur hvers og eins skiptir meira máli en fjöldi sigra í keppni.

• Grunnæfingar í þol, styrktaræfingar með eigin þyngd, jafnvægi og liðleiki.

• Leikgleði, samvinna og dugnaður.

• Liðsheild og samheldni