Markmið og áherslur í sundi

Lögð er áhersla á grunn sundfærni, sundtækni, snúninga, háttvísi og dugnað. Iðkendur fá grunn þekkingu í notkun á ýmsum sundbúnaði sem notaður er til æfinga og kennslu. Lögð er áhersla á góðan aga þar sem iðkendur fara eftir fyrirmælum þjálfara og eiga í góðum samskiptum sín á milli. Áhersla er að iðkendur beri virðingu fyrir félagi sínu, félagsbúningi og merki, öðrum sundfélögum, þjálfara, dómara, æfingasvæði og æfingabúnaði. 

Iðkendur hafa kost á að taka þátt í mótum á vegum félagsins. Þjálfari kynnir iðkendum fyrir því hvernig mót fara fram og undirbýr þau þannig.. Allir iðkendur eru velkomnir á mót og er gott að kynna það fyrir þeim snemma. Í keppni er einblínt á að skapa góðar minningar og að gleði sé í fyrirrúmi. 

Áhersla er á aukna grunnfærni og samhæfingu hreyfinga ásamt því að læra reglur sem gilda fyrir æfingasvæði. Einnig á ánægja tengd æfingum í sundlaug og á landi að vera í fyrirrúmi.  Iðkandi lærir að vera hluti af heild og að vera virkur einstaklingur í hópverkefnum. 

Markmiðið er að hafa gaman, skapa gleði tengda sundi og verða hluti af liðs- og hóps menningu