Hiti á vellinum – og það er ekki bara keppnisskapið!

Sól og sumarstemning hjá Þrótti!

Það hefur sannarlega verið létt yfir mannskapnum hjá Ungmennafélaginu Þrótti undanfarna daga – sólin hefur látið sjá sig af krafti og veðrið hefur verið eins og best verður á kosið! Æfingar og útivist hafa notið sín í botn, bæði hjá yngri og eldri iðkendum.

Mikil gleði hefur ríkt á æfingasvæðinu og það er ómetanlegt að sjá börnin og ungmennin okkar spretta um völlinn með sól í hjarta og bros á vör. Það er ekkert sem lyftir andanum líkt og hlýtt og bjart vorveður – og það minnir okkur á hversu dýrmætt það er að hafa öflugt félag og góðar aðstæður til íþróttaiðkunar í heimabyggð.

Við hvetjum alla til að nýta veðrið, koma sér út og njóta – hvort sem það er á æfingum, í göngu, hjólatúr eða bara í góðum félagsskap í Þróttheimum.

Njótið sumarsins!