Ungmennafélagið Þróttur í Vogum hefur hlotið rausnarlegan styrk frá Kiwanisklúbbnum Keilir og færir félagið þeim innilegar þakkir fyrir stuðninginn.
Stuðningur sem þessi er afar mikilvægur fyrir starfsemi félagsins og hjálpar okkur að halda áfram að byggja upp öflugt og fjölbreytt íþróttastarf fyrir börn og ungmenni í Vogum.
Hjá Þrótti leggjum við ríka áherslu á að öll börn hafi tækifæri til að stunda íþróttir, eignast vini og þroskast í jákvæðu og hvetjandi umhverfi. Til þess að svo megi verða skiptir stuðningur samfélagsins og velunnara félagsins ómetanlegu máli.
Kiwanis hefur um árabil lagt áherslu á velferð barna og ungmenna og er það okkur sérstakt ánægjuefni að njóta stuðnings samtakanna.
Ungmennafélagið Þróttur færir Kiwanis sínar bestu þakkir fyrir höfðinglega styrkveitingu og velvilja í garð félagsins.
Saman stuðlum við að öflugu og blómlegu íþróttastarfi í Vogum.
